Norsk Fjordhestsenter har aktivitetar gjennom heile året, og er fast undervisningsstad for Fjordane folkehøgskule. Vår og sommar er det høg aktivitet ved seminstasjonen der hopper frå heile landet får tilbod om inseminering frå gode fjordhesthingstar.

Alle er velkome innom for ein hesteprat og for å sjå på anlegget. Aktiviteten vil variere alt etter kor mange hestar som er på beite, og andre oppgåver ved senteret. For grupper kan vi skreddarsy opplegg og tilpasse tidspunkt.

 

Kort ridetur ved Norsk Fjordhestsenter

Norsk Fjordhestsenter tilbyr korte rideturar for dei som ynskjer ei trygg oppleving på ryggen til ein av fjordhestane våre. Turen passar bra for born og vaksne som ikkje har ridd før. Turen vil gå i nærområdet til hestesenteret, og vil ha ein varigheit på ca. 25 minutt. 

FraNOK 250
Bestill nå!

Omvising Norsk Fjordhestsenter

Du vil få møte fjordhesten og lære historia om ein av dei eldste hesterasene i verda.  Norsk Fjordhestsenter er eit kompetansesenter for fjordhesten, med informasjons- og rådgivingsteneste for alle forhold rundt denne heilnorske hesten. Ei av hovudoppgåvene er å fremje avl og bruk av fjordingen. Det er også stor kursaktivitet ved senteret gjennom året, og Fjordane folkehøgskule har si undervisning her. Vår og sommar er det høg aktivitet ved seminstasjonen. Norsk Fjordhestsenter vart oppretta i 1989 og er eigd av Norges Fjordhestlag, Eid kommune og Sogn og Fjordane fylkeskommune. 

FraNOK 150
Bestill nå!

Ridetur med panoramautsikt Nordfjordeid

Frå Norsk Fjordhestsenter tilbyr vi rideturar opp på fjellet til eit utkikkspunkt der ein har panoramautsikt over Eid sentrum og over fjorden. Turen passar for både yngre og eldre, og det er ikkje krav om mykje rideerfaring frå før. Turen foregår i skritt, og har ein varigheit på 1,5 time. Ein bør ha på seg gode sko med hæl. Påkledning etter været. Aldersgrense for turen er 9 år.

FraNOK 600
Bestill nå!

Rideturar i Hjelmelandsdalen

I samarbeid med Harpefossen skisenter har vi rideturar i Hjemelanddsdalen. Turane går langs den Gamle Trondhjemske Postvegen og tek omlag 2-2,5 timar i skrittetempo. Aldersgrense 9 år.

FraNOK 800
Bestill nå!